CAEx Build & Co. 2024
CAEx Build & Co. 2024 ko‘rgazmasi 2024-yil 13–15-noyabr kunlari CAEx Uzbekistan ko‘rgazmalar markazida bo‘lib o‘tdi. Ko‘rgazmada qurilish, qurilish materiallari va dizayn sohalarini namoyish etuvchi 30 dan ortiq mahalliy va xalqaro kompaniya ishtirok etdi.
Biznes dasturi doirasida O‘zbekiston, Xitoy va Qozog‘istonning yetakchi ishlab chiqaruvchilari hamda kompaniya rahbarlarini birlashtirgan B2B dasturi ham o‘tkazildi. Dastur doirasida 280 dan ortiq biznes uchrashuvi rejalashtirildi.
Ko‘rgazma zamonaviy yechimlarni namoyish etish, tajriba almashish va yangi biznes aloqalarini rivojlantirish uchun soha mutaxassislarini bir maydonga jamladi.